Rattus Sapiens

Rattus Sapiens — «пацук разумны» — праект Марыі Карнеенка, назва якога імгненна выклікае асацыяцыі з сучаснай чалавечай цывілізацыяй і вельмі дакладна перадае асноўную ідэю праекта: пад намі, над намі, а часцей зусім побач з намі заўсёды існавала і развівалася асобная разумная цывілізацыя, пра якую мы ведаем вельмі мала, а тое, што ведаем, з’яўляецца альбо страхамі, альбо стэрэатыпамі.

Кніга запрашае нас глыбока зазірнуць ў пацуччу нару і хаця б часова адмовіцца ад пазіцыі віду, які «перамог» у эвалюцыйнай барацьбе. У ёй ёсць элементы гульні, мок’юментары, не заўсёды рэальных, але магчымых гісторый. Гэты эфект ўзмацняецца заключным тэкстам — эпілогам-роздумам з пункту гледжання пацукоў, якія ставяць пад сумнеў, ці сапраўды чалавецтва існавала, ці гэта толькі міт.

У гармоніі з візуальным голасам праекта гучаць тэксты Таццяны Заміроўскай, пісьменніцы з беларускімі каранямі з Нью-Ёрка, не толькі дзякуючы падобнаму асабістаму досведу — Таццяна называе сябе амбасадарам пацукоў — але і дзякуючы постантрапацэнтрычнаму погляду на прыроду ўзаемадзеяння чалавечай і жывёльнай цывілізацый.

Выданне: 100 асобнікаў на беларускай мове / 400 асобнікаў на англійскай мове
Выдавецтва: TAMAKA
Дызайнер: Аня Налецкая-Мілах
Тэкст: Таццяна Заміроўская
Дата выхаду: лiстапад 2025 г.
Старонак: 132 + 4
Вокладка: цвёрдая
Надрукавана ў: Poligrafus, Варшава, Польшча
Памер: 15 x 23,6 cm
Мова: беларуская, англiйская
ISBN: 978-3-00-083626-8